Norræna – Smyril-line

Norræna

Norræna (Norröna) er nafn á farþegaferju í eigu færeyska hlutafélagsins Smyril-line. Nafnið hefur fyrirtækið notað síðan fyrsta ferja þess var tekin í notkun árið 1984, árið 2003 var tekið í notkun nýtt skip sem hlaut þetta nafn og var þá nafni eldra skipsins breytt í Norræna I, sem það bar þar til það var selt frá fyrirtækinu. Norræna hefur frá upphafi verið í áætlunarsiglingum milli Íslands og annarra Evrópulanda.

Nýja Norræna er bílferja sem hefur upp á mikil þægindi að bjóða fyrir farþega. Hún var smíðuð í Þýskalandi árið 2003 og hóf áætlanasiglingar þá um vorið.

Lengd skipsins eru 164m og breiddin 30m, um borð er pláss fyrir 1500 farþega og 800 bíla. Yfir sumartímann telur starfsmannafjöldinn um borð u.þ.b. 120 manns.

Um borð í Norrænu eru klefar fyrir farþega, stór verslunarkjarni, veitingastaðir, barir, næturklúbbur, leiksvæði fyrir börn, spilakassasalur, sundlaug, líkamsræktarsalur,gufubað o.fl.

Kostnaður við smíði skipsins var um 100 milljón evrur, sem var stór biti fyrir Smyril-Line og lenti fyrirtækið í vandræðum um tíma. En með aðstoð Íslendinga, Hjaltlendinga og fleiri var það tryggt að Norræna yrði áfram færeyskt skip.

Norræna er stærsta farþegaskip Færeyinga. Hún siglir milli ýmist Hirtshals í Danmörku, Þórshafnar í Færeyjum og Seyðisfjarðar á Íslandi

Bókanir

Austfar er söluskrifstofa Norrænu á Seyðisfirði, Fjarðargötu 3, sími: 472-1111. Norræna fer frá Seyðisfirði yfir hásumarið alla fimmtudaga, en áætlunin breytist á vorin og haustin.

Skipsnafn Norröna II
Smíðaár 2003
Útgerð Smyril Line
Brúttórúmlestir 36000
Siglingarhraði 21 míl
Farþegafjöldi 1.482
Bílafjöldi 800
Lengd 164 m
Breidd 30 m

Comments are closed.